Lexicon musicum Latinum
Paris, Bibliothèque nationale de France (F-Pn) Lat. 3713, f. 38r Transcription: Shin Nishimagi (janvier 2007)
^1/Cum pueris volumus insinuare legere, prius eos abecedarium discere facimus in tabula, ut postquam cognoverint omnes litteras, facilius legere valeant quicquid scribitur litteris. ^2Simili modo qui cantum volunt addiscere, prius oportet eos omnes voces tonorumque varietates in monacorda cognoscere. ^3Quia enim hac disciplina non utimur, tantum temporis antiphonarium discendo perdimus in quanto divinam auctoritatem et gramatice regulam scire potuissemus, ^4et, quod deterius est, nullo umquam spatio temporis ad tantam perfectionem venimus, ut saltem minimam antiphonam absque magistri labore scire possimus, quamque si oblivisci contigerit, nullatenus ad memoriam reformare valeamus.	1-4 PS.-ODO mus. (GS 1, p. 265a-b)
*
^1Interrogatio : Emisperium quid est? ^2Responsum : Emisperia sunt duo capitella que ex utraque parte monacorde cordam tenent, que alio nomine vocantur magade.	1-2 Cf. BOETH. mus. IV 18
*
Nonanoeane
^1Nona dicitur a greco quod est nus, id est sensus, noe, flatus, ane, sursum. ^2Inde nonanoeane dicitur ‘sensus flatum ducens ad superiora’. ^3Oies vel aies interiectiones sunt exhortatorie quasi dicatur ‘agite sursum’. ^4Que interiectiones aput nos interpretantur Eia.