Lexicon musicum Latinum
Montpellier, Bibliothèque interuniversitaire, Section médecine (F-MOf) H 384, f. 122r Transcription : Shin Nishimagi (juillet 2006)
— ^1/Que est prima consonancia? — ^2/Prima quidem consonancia est diapason. — ^3/Quare est prima? — ^4/Quia omnes in se consonancias continet. — ^5/Quam ob rem nuncupatur diapason? — ^6/Diapason dicitur de omnibus vocibus. ^7/'Pason' grece, latine octo interpretatur. ^8/Illa que cunctas tenet in se, diapason. — ^9/Quot sunt proporciones musice? — ^10/Sex. — ^11/Que? — ^12/Semitonium, tonus, ditonus, diapente, diapason, diatesseron.	8 Illa] Illa diapason cod.
^1/Sexquioctava proporcio est, quando maior numerus totum minorem continet in se, ut VIIII comparati ad VIII, id est tonus. ^2/Sexquitercia proporcio est, quando maior numerus continet in se minorem et eius terciam partem, ut IIII comparati ad III. ^3/Sexquitercia in arithmetica, in musica diatessaron vocatur. ^4/Sexqualtera proporcio est quando maior numerus continet in se minorem et eius medietatem, ut III conparati ad II. ^5/Sexqualtera in aritmetica, in musica est diapente.	3 Sexquitercia] Sexquiterciam cod. 4 Sexqualtera — ad II] in marg.