Lexicon musicum Latinum HOME

INNSBRUCK, Universitätsbibliothek (A-Iu)
Ms. 962, f. 142r-144r
Transcription: Christian Meyer
(novembre 2006)

 

<XXVI.> 1 Sequuntur proportiones declarate et manifeste demonstrate ostense melodia vocum cantorum invente.

 

2 Et premierement est dite la premiere proportion dupla en laquelle proportion on doit pronuntier la mo<i>tie plus tost que la teneur, comme qui chanteroit vngn temps <parfait> de mineur prolation sur vne semibreve de maiour prolation. 3 Et cognoist on ceste proportion par ce signe [[cercle + barre oblique]] ou par cestuy [[demi-cercle ouvert à droite + barre horizontale]] ou par cestui .2. lesquelx signe<s> hont este imposes expressement a ycelle <142v> proportion. 4 Et de ceste proportion premiere havons exemple :

 

[[aiu962d1.jpg]]

 

5 Item sensuit une aultre proportion en laquelle on pronunce le quart plus toust que sa teneur, comme quant on pronunce ung temps <imparfait> de minor prolation qui vault quatre minimes contre une semibreve de maior prolation qui vaul troys. 6 Et sapelle ceste proportion en latin proportio sesquitertia et en grec eppitrita. 7 Et la cognoist on par se signe [[demi-cerle ouvert à gauche]] Exemple

 

[[aiu962d2.jpg]]

 

<143r> 8 Item sensuit une aultre proportion en laquelle on pronunce le tiers plus tost que la teneur, comme qui chanteroit ung temps parfait de minor prolation, lequell vault vj minimes auxi toust comme on chantaroit ung temps imparfait de minour prolation. 9 Et est apellee ceste proportion en latin proportio sesqualtera ou selon aucungs sesquisecunda. 10 Et en grec elle est apellee emiolia, et se cognoit par ceste figure [[demi-cercle ouvert à gauche + point]] [[6/4]] [[3/2]] 11 Exemple sensuit de ladicte proportion.

 

[[aiu962d3.jpg]]

 

12 Item sensuit vne aultre proportion en laquelle on pronunce viij minimes ou la valeur dycelles contre une semibreve de maiour prolation qui ne vault que troys minimes. 13 Et est apellee ceste proportion, en latin, dupla superbipartiens et la cognoist on par se signe [[demi-cercle ouvert à gauche et barré horizontalement]]. Exemple

 

[[aiu962d4.jpg]]

 

<143v> 14 Item sensuit une aultre proportion en laquelle ont pronunce ung temps parfait de maior prolation qui vault neuf minimes auxi toust comme on fait ung temps imparfait de minor prolation lequel ne vault que quatre minimes. 15 Et se appelle ceste proportion en latin proportio dupla sesquiquarta in genere multiplici superparticulari. Exemple


14 temps imparfait de minor prolation] temps de minor prolation imparfaite ms.

[[aiu962d5.jpg]]

 

16 Item sensuit une aultre proportion en la quelle on pronunce ung temps parfait de maior prolation qui vault IX minimes, auxi tost comme une semibreve dycelle prolation que ne vault que troys minimes et s’apelle cest proportion en latin proportio tripla. Exemple

 

[[aiu962d6.jpg]]

 

<144r> 17 Item sensuit une aultre proportion en laquelle on pronunce ung temps parfait de maiour prolation qui vault neuf minimes auxi toust comme on chante deux temps <imparfaits> de minor prolation qui ne valent que viii minimes. 18 Et s’apelle ceste proportion en grec epogdoy et la cognoist on par se signe 9/8. Exemple

 

[[aiu962d7.jpg]]

 

19 Et ce suffi se quant a la desmontration des proportions novellement trovees pour labillite dex voix despuntament chantans.